Al pe dal piz Scopi sin passa 3'000 meters sur mar ha l’armada svizra in sistem da survegliar il traffic civil e militar.
Cuschina, cantina e 50 letgs
Ed uss ha il Departament federal da militar laschà construir in bajetg cun cuschina, cantina e 50 letgs: La pensiun Cristallina. Là possian las persunas che lavuran sin il Scopi e la schuldada durmir, sco il responsabel per las lavurs Clemens Berther di. La pensiun Cristallina na stettia dentant betg a disposiziun a mintgin.
Quai è mo per nus che lavurain, per la truppa e per firmas, sch’ils collavuraturs na pon betg ir ensi ed engiu pervia da l’aura u vent u lavinas.
10 milliuns francs
Il project ha custà 10 milliuns francs inclusiv indrizs tecnics e tschertas lavurs supplementaras en il conturn.
