Siglir tar il cuntegn
Inhalt

Surselva Medel: Peter Binz chala

Era Marius Flepp e Giusep Flepp na candideschan betg pli per la suprastanza.

Purtret da Peter Binz.
Legenda: Peter Binz na stat betg a disposiziun per in'ulteriura perioda d'uffizi sco president da vischnanca. ANR, Hans Huonder

Il president da la vischnanca da Medel, Peter Binz, na candidescha betg pli sco president communal. Quai ha el communitgà a la radunanza communala mesemna saira. Il motiv saja il grond pensum da lavur.

Era ils dus suprastants Marius Flepp e Giusep Flepp na candideschan betg pli suenter 12 onns en suprastanza. L’ulteriur suprastant Gabriel Venzin stat dentant a disposiziun per ina ulteriura perioda d’uffizi.
En vista a la revisiun da la constituziun communala ponderescha la suprastanza era ina varianta futura cun trais suprastants.

Approvà preventiv 2018

Plinavant ha la radunanza communala da Medel approvà il preventiv 2018. Quel prevesa in gudogn da 380'000 francs, quai tar entradas da 3'778'400 francs ed expensas da 3'396'100 francs. Il pe da taglia resta vinavant tar 70% da la taglia chantunala simpla.

Plinavant ha la radunanza era approvà il quint da l'ovra electrica Medel, quel serra cun ina sperdita da 79'000 francs.
Ed il president communal Peter Binz ha era preschentà il project Medel muventa, in project per sviluppar enavant la Val Medel.

RR novitads 06:00