Siglir tar il cuntegn

Header

cuntegn

Medel Acziun cun palmas benedidas

L’Uniun da giuventetgna Medel s’engascha cunter il coronavirus. Giuvnas e giuvens repartan dumengia palmas benedidas.

Resguardar las mesiras da sanadad

L’iniziativa saja vegnida da la plaiv, di il president da l'uniun, Lucas Venzin. Il president da la plaiv, Gabriel Venzin, haja dumandà, sch’els veglian surpigliar quest servetsch, perquai ch’ins na possia betg celebrar messa da Dumengia da Palmas. Prioritad haja dentant da resguardar l'igiena e da star sin distanza, di Lucas Venzin.

Era Gabriel Venzin punctuescha, ch’i saja impurtant da resguardar questas mesiras. I saja dentant bun da mussar solidaritad, da pudair discutar ensemen sin distanza e da mantegnair l'usit da las palmas benedidas. Ed i saja grondius che la giuventetgna sa gidia.

audio
Coronavirus: Acziun cun palmas benedidas a Medel
ord Actualitad dals 03.04.2020.
laschar ir. Durada: 1 minuta 40 Secundas.

Da quai da 10 persunas èn en acziun dumengia. Mo il president da la Udg Medel na po probabel betg far part da l’acziun, perquai ch’el è pur e sto pavlar il muvel.

RTR actualitad 08:00

Artitgels legids il pli savens