Siglir tar il cuntegn

Surselva Material da hockey dal HCD per Sevgein

A Sevgein datti dapi 6 onns ina pitschna plazza da glatsch. Cunzunt ils uffants da Sevgein han grond plaschair dal glatsch. Il problem è dentant, che paucs han resti per dar hockey. Dus indigens han perquai dumandà il HCD per agid.

Legende: Video Regal dal HCD per Sevgein abspielen. Laufzeit 1:59 Minuten.
Or da Actualitad video dals 04.08.2015.

Dus indigens, Jean-Pièrre Schlüchter ed André Bertogg, preparan quai glatsch mintg'onn en lavur cumina. Trair en ina chapellina per ir sin il glatsch è obligatoric. Perquai che bleras persunas n'han dentant betg resti da hockey, vegni dà cun chapellinas per ir cun skis e cun schanegiaders da inline.

Perquai han Jean-Pièrre ed André simplamain scrit ina brev al HCD e dumandà, sch'i possian avair material vegl da hockey. E gronda surpraisa, il HCD ha dà suatientscha a quella dumonda ed empermess da dar material. Mardi ils 4 d’avust è ina delegaziun da Sevgein ida si Tavau per prender encunter il material.