«L’idea da construir in restaurant en il Peaks Place è vegnida en discurs cun il patrun da quest hotel», di Manuel Reichenbach. Ma el sappia ch’i saja ina sfida d’avair dus buns manaschis. Quai giaja mo cun in bun team.
Plaschair da pudair returnar a Laax
Laax haja el tschernì perquai ch’el ha fatg là l’emprendissadi e perquai ch’i na saja betg uschè lunsch davent sco per exempel Tavau ubain San Murezzan. El haja grond plaschair ch’el possia turnar puspè a Laax.
Il restaurant ha plaz per radund 90 persunas, e sin la terrassa datti anc plaz per ulteriuras 30 persunas. Vitiers vegnan ina bar, ina lounge da fimar ed ina stanza da seminaris e banchets.
Restaurant modern
La Casa Tödi a Trun saja plitost in manaschi tradiziunal, il nov restaurant a Laax in manaschi modern. Uschia vul el porscher il sistem da charriot, in carr cun tocca da charn che vegn preschentada al giast e che quel po alura decider sez tge ch’el vul. Vitiers datti ina purschida da vin e chaschiel e products ch’il giast po prender en sia abitaziun. Il Peaks da Manuel Reichenbach è avert a partir dal december 2016.
RR actualitad 08:00