Lumnezia vul metter sut in tetg il medi e la butia dal vitg

Per pudair realisar il project sto in bajetg vegnì spazzà. La chasa cun la butia dal vitg «Volg» n'è però betg tangada.

Vista tras il vitg da Vella.

Legenda da maletgs: Per pudair realisar il project sto in bajetg vegnì spazzà. La chasa cun la butia dal vitg "Volg" n'è però betg tangada. RTR, L. Livers

Da l’autra vart duain vegnir construidas pliras abitaziuns. Sco quai che la vischnanca communitgescha saja quai ina schanza per augmentar l’attractivitad da la vischnanca a lunga vista. Plinavant giaja er per salvar plazzas. La dumonda da credit sto anc vegnir suttamessa a la votaziun a l’urna dals 3 da fanadur 2016. Va tut tenor plan pon las lavurs cumenzar l’atun.

200'000 francs per ina punt sur la Val Tersnaus

Las votantas ed ils votants han plinavant ditg gea in credit da 200’000 francs per meglierar la rait da viandar tranter Tersnaus e Camuns. Perquai duai vegnir construì ina punt da sugas sur la Val da Tersnaus. La punt ha ina lunghezza da 65 meters e stad sur ina profunditad da 40 meters.

Ultra da quai ha la radunanza communala approvà il quint annual da l’onn passà. Tar entradas ed expensas da radund 16,4 milliuns francs serra quel cun in surpli da bunamain 68’000 francs.

RR novitads 06:00