Siglir tar il cuntegn
Inhalt

Surselva Lumnezia na dastga betg reducir dumber da suprastants

La reducziun da la suprastanza da la vischnanca da Lumnezia da nov a tschintg commembers n'è tenor la regenza actualmain betg legala. Cunter ina reducziun pleda il contract da fusiun da l'onn 2012 che na possia betg vegnir sutminà suenter uschè curt temp, argumentescha la regenza.

nivels sur la val Lumnezia
Legenda: Nivels sur la val da la glisch. La regenza grischuna n'accepta betg che la Lumnezia vul reducir la suprastanza communala. Keystone

La regenza scriva ch’ella saja da l'avis che las relaziuns na sajan betg sa midadas uschia, ch'i fiss pussaivel da deviar oz da las disposiziuns dal contract da fusiun. La cuntinuitad da las cunvegnas da quella giada è pli impurtanta che la direcziun senza dubi pli simpla da la vischnanca cun mo tschintg commembers da suprastanza.

Consequenzas pussaivlas eran enconuschentas

La scheffa dal departament da finanzas e vischnancas Barbara Janom Steiner ha dentant gia affirmà avant la votaziun, ch’il chantun na vegni betg ad acceptar ina midada da la constituziun suenter mo trais onns.

Las votantas ed ils votants avevan acceptà la midada constituziunala ils 28 da favrer 2016 cun 671 cunter 198 vuschs. Las resalvas giuridicas dal chantun eran enconuschentas a la vischnanca ordavant.

RR novitads 09:00