Siglir tar il cuntegn

Header

cuntegn

Surselva Lumnezia: Da vender chasas da scola e remisas

Ston ins quintar ch’i vegn en curt in’entira unda da immobiglias sin fiera en Lumnezia? Na, sa Duri Blumenthal il president da vischnanca da la Lumnezia da dir. Vender mo ch'i saja vendì segir betg.

La strategia da la Lumnezia quai ch’appartegn immobiglias è clera. Fin la fin da l’emprima perioda d’uffizi da la suprastanza vertenta l’onn 2016 vul la suprastanza preschentar a la populaziun lumneziana, tge immobiglias ch’èn venalas e co la vischnanca vul vender quellas.

Vischnanca ritga

Per survegnir ina survista in pitschen quint. 180 immobiglias èn en possess da la vischnanca. Da quai èn 60 immobiglias sco tegias da rument e sereneras simplamain bajetgs indispensabels per il mintgadi, ch’èn betg interessantas da vender. Lura restan 120 objects, e da quels èn anc ina giada 60 objects che la vischnanca fa diever, sco salas, scolas u abitaziuns che tutgan a la vischnanca ch’èn rentablas. Restan anc 60 immobiglias ch’èn tut tenor da vender. Era qua sa tracti d’immobiglias da tut gener, sco entiras scolas ni abitaziuns, dentant era clavads ni remisas.

audio
Bunura: La vischnanca da Lumnezia ha intginas immobiglias danvanz
ord Actualitad dals 22.09.2015.
laschar ir. Durada: 4 minutas 39 Secundas.

Il discurs cun il president da vischnanca da la Lumnezia, Duri Blumenthal, mussa spert, la pussada d’argient na vegn betg vendida. La Lumnezia n’è betg sut squitsch finanzial ch’ella stuess agir cun vender immobiglias immediat.

Artitgels legids il pli savens