Siglir tar il cuntegn
Inhalt

Surselva Lumnezia accepta decisiun dal chantun

La suprastanza communala da la Lumnezia accepta che la regenza grischuna refusa da sminuir il dumber da suprastants da 9 sin 5. Schegie che la decisiun na saja betg stada nunspetgada sajan ins ordvart trumpà da quella, scriva la suprastanza communala.

vista sin Vella cun la chasa communala
Legenda: La chasa communala da Lumnezia a Vella (bajetg sanester) RTR

La regenza haja purtà tut ils arguments ord vista giuridica senza però resguardar la praticabilitad. Questa decisiun possia er vegnir chapida sco demonstraziun da pussanza. Per motivs da mancanza da temp avant las elecziuns communalas desista la suprastanza da far recurs.
Il favrer eran ils Lumnezians s'exprimids cleramain per sminuir il dumber dals suprastants. Tenor la regenza cuntrafà quai però al contract da fusiun.

RR novitads 17:00