Siglir tar il cuntegn

Header

audio
Lumnezia tschertga in chanzlist u ina chanzlista ed i fa prescha
Or da Actualitad dals 23.12.2021.
laschar ir. Durada: 3 minutas 10 Secundas.
cuntegn

Lumnezia A la tschertga d'in chanzlist u ina chanzlista

La vischnanca da Lumnezia tschertga in nov manader u ina nova manadra da la chanzlia communala. Sin mez da l'auter onn va il chanzlist actual, Marcus Cavegn, en pensiun.

Tschertga difficila

Gnanc ina suletta annunzia hai dà sin ils dus inserats che la vischnanca da la Lumnezia ha publitgà l'atun. Quai ha il president communal da la Lumnezia, Daniel Solèr, communitgà a la davosa radunanza communala dals 17 da december.

Quai fa schon anc quitads. Il chanzlist è per uschè da dir il maun dretg dal president. Nus stuain schliar insaco quai problem, pertge in plan b n’avain nus betg.
Autur: Daniel Solèr president communal, Lumnezia

Buna glieud en las administraziuns è tschertgada

Il manader da l’Uffizi da vischnancas dal chantun Grischun, Thomas Kollegger, conferma ch’i dat ina mancanza da bun persunal en las administraziuns gia en l'entir chantun.

Igl è impurtant che las cundiziuns da lavur tar il maun public èn attractivas, sch'ins vul era en l'avegnir pudair engaschar buna glieud en las administraziuns. Il profil per in chanzlist u ina chanzlista è vast, quai che fa il pensum era interessant.
Autur: Thomas Kollegger manader da l'Uffizi da vischnancas dal chantun Grischun

Tenor Kollegger sa sminuescha il dumber da candidats e candidatas là, nua ch'il rumantsch u ina pretensiun fundamentala per savair ademplir il pensum manca. In fatg che na fa betg pli simpla la situaziun per la Lumnezia.

RTR actualitad 17:00

Artitgels legids il pli savens

Scrollar a sanestra Scrollar a dretga