Co vulain nus viver en l'avegnir qua en noss vitgs muntagnards? Quai è la dumonda fundamentala da l’exposiziun actuala en la Chasa d'Angel. Cun art experimental ed abstract duain vegnir provocadas novas e nunusitadas respostas per ils problems ch’existan en las muntognas.
I fa bain a l'olma ed als egls da vegnir en la chasa d'Angel a mirar l'exposiziun.
Basa per ulteriurs projects
Durant la stad vegnan manads atras en differents lieus da la Lumnezia set projects tar il medem tema sco l’exposiziun. Era quests projects èn experimentals. Ils resultats vegnan preschentads il december en la chasa d’Angel ed èn davent da lura ina part da l’exposiziun.
RR actualitad 08:00