Siglir tar il cuntegn

Header

audio
Il luf en Grischun: Tenor Pius Winzap èsi vegnì pli quiet enturn il tema
Or da Actualitad dals 20.11.2020.
laschar ir. Durada: 04:14 minutas.
cuntegn

Lufs – tge dian ils purs Ils purs na fidan betg a la politica

Pius Winzap che gida ses figl a far il pur a Falera sa anc adina betg chapir che la populaziun n’ha betg accepta la revisiun da la lescha da chatscha.

Quai n'è betg stà en favur da l’agricultura ed ha mess nus en ina uschenumnada «Schockstarre»
Autur: Pius Winzappur da Falera

Plaunsieu sa revegn l’agricultura puspè da quest schoc. La fidanza che la politica propona ina meglierà schliaziun n’è dentant betg avant maun. Er la decisiun da la cumissiun d’ambient dal Cussegl naziunal d'inoltrar ina moziun ed ina iniziativa parlamentara per pussibilitar da regular adequat ils lufs po betg midar l'opiniun dal pur.

Tge che quai vul dir, quai che quels han fatg giu, na savain nus betg, nus savain nagut.
Autur: Pius Winzap

Il dumber è quai che quinta

Tenor in studi da la Kora, ch'è responsabla per il monitoring dals animals da rapina en la Svizra, dovri 17 trieps da lufs en Svizra per che la populaziun da lufs po surviver en las alps. Per il Grischun muntass quai in dumber da 4 trieps. Cun quai dumber savess Pius Winzap viver fitg bain. La situaziun actuala mussa tenor il pur da Falera dentant ch’i dat en il Grischun gia uss bler dapli lufs e che la populaziun è anc adina vida crescher exponenzial.

RTR Actualitad 07:00

Artitgels legids il pli savens

Scrollar a sanestra Scrollar a dretga