Siglir tar il cuntegn
Inhalt

Surselva Luf stgarpa nursas - sto la politica reagar?

Il venderdi notg ha in luf mazzà tschintg nursas en ni sin intschess da la vischnanca da Trun. Tge èsi ussa da far? Sto la politica reagar? La dumonda co viver cun u senza luf procura per emoziuns e discussiuns contraversas.

Legende: Video Dovri pass concrets da la politica? abspielen. Laufzeit 03:50 Minuten.
Or da Telesguard dals 22.02.2017.

Il venderdi notg ha in luf mazzà tschintg nursas sin intschess da la vischnanca da Trun. Duas ulteriuras nursas ha el blessà ch’ellas han alura era stuì vegnir mazzadas. Las nursas eran en saivs cun electricitad e per part era en stalla, scriva l’Agentura da Novitads Rumantscha.

Legende: Video Luf stgarpa nursas a Trun abspielen. Laufzeit 02:49 Minuten.
Or da Telesguard dals 21.02.2017.

Sco il responsabel da la surveglianza da chatscha da la Surselva Werner Degonda ha ditg a l’ANR sajan ils purs vegnids infurmads da laschar ils animals il proxim temp en las stallas.

Brosi vul dapli spazi d'agir

In luf ch'entra en ina stalla, sco quai ch'ins suppona ch'i saja capità dacurt a Trun, quai na saja betg tolerabel. Quai ha il schef da l'uffizi chantunal da chatscha, Georg Brosi ditg ad RTR. El pretenda ch'il chantun survegnia dapli spazi d'agir.

I na giaja betg ch'ins stoppia anc spetgar fin ch'il luf haja stgarpà nursas avunda per pudair sajettar el tenor ils reglaments dal stadi. Il luf è in animal protegì dal stadi. Mo en da quests cass stoppia il chantun pudair reagir immediat, manegia Brosi.

RR novitads 12:00+