Siglir tar il cuntegn
Inhalt

Surselva Lothar Deplazes è mort

L'istoricher e scrivent Lothar Deplazes è mort en la vegliadetgna da 75 onns. Sco quai che sia editura, Mevina Puorger, ha confermà saja Deplazes spartì ils 2 da favrer 2015 a Küssnacht.

Fotografia nair ed alv da Lothar Deplazes cun egliers.
Legenda: Lothar Deplazes (73) è istoricher e spezialist per il temp medieval. ANR, C. Cadruvi

Lothar Deplazes ha scrit bleras istorgias curtas e poesias ed è era sa fatschentà pli profundamain cun il temp medieval en il Grischun.

El è naschì ils 14 da settember 1939 a Sagogn en Surselva. Suenter il gimnasi a Mustér ha Deplazes studegià a Turitg istorgia e germanistica. El ha publitgà artitgels e cudeschs davart la posiziun dal spazi curretic (churrätisch) e davart l’istorgia dal temp medieval en il Grischun ed il Tessin.

Scrit sursilvan e tudestg

Lothar Deplazes ha publitgà sias ovras en il Calender romontsch, en la Litteratura, las Annalas ed en autras periodicas. Intginas da sias istorgias ha el era publitgà per tudestg, uschia per exempel l'ovra Umbrivas muentadas - Bewegte Schatten.
Il cumponist Gion Antoni Derungs ha mess en musica 15 poesias da Deplazes ed era ils librettis per las operas Il cerchel magic (1986), Il semiader (1996) e Tredeschin (1998).

RR novitads a las 16:00