Siglir tar il cuntegn
Inhalt

Surselva Lia Rumantscha da nov a Glion

La Lia Rumantscha (LR) dischlochescha sia filiala en Surselva da Laax a Glion. A partir da l'emprim da november è ella preschenta en l’emprima citad sper il Rain, quai communitgescha l'organisaziun tetgala. Cun midar a Glion vul la LR esser pli preschenta en Surselva.

Casa Gronda a Glion
Legenda: La filiala en Surselva da la Lia Rumantscha vegn a Glion en la Casa Gronda. RTR, C. Albin
purtret da Urs Cadruvi, David Flepp e Conradin Klaiss
Legenda: Urs Cadruvi, il secretari da la LR, David Flepp e Conradin Klaiss, ils collavuraturs en Surselva (da san.) mad

Suenter plirs onns a Laax (a l’entschatta en la Casa Demont, suenter en l’anteriur hotel Arena Alva) dischlochescha la LR a Glion. Ils collavuraturs Conradin Klaiss e David Flepp surpiglian las localitads en la Casa Gronda a la Via dil Marcau (Städtlistrasse 2).

Cun questa midada va en vigur in grond giavisch da la LR da pudair lavurar en in lieu pli central.

Casa Gronda, il nov domicil a Glion

La Casa Gronda e la citad veglia dettian perditga d’ina ritga tradiziun istorica e culturala, scriva la Lia Rumantscha. Quests lieus sajan adattads per promover ina lingua che ha medemamain ina lunga tradiziun. Ensemen cun la LR vegn era la fundaziun «inplus» a far il pass da Laax a Glion.

RR novitads 07:00