Siglir tar il cuntegn
Inhalt

Surselva Lavurs da mantegniment vi dal chastè de Castelberg a Luven

Durant la stad vegnan exequidas lavurs da mantegniment a la ruina dal chastè de Castelberg a Chischlatsch datiers da Luven.

La ruina dal chastè Castelberg, bein zuppada sin il crest da Chischlatsch.
Legenda: La ruina dal chastè Castelberg, bein zuppada sin il crest da Chischlatsch. RTR, Carlo Albin

La curuna da la tur dal chastè è donnegiada. Il tetg n’exista betg pli ed uschia creschan là plantas e chaglias, che destrueschan cun las ragischs la maulta e schluccan la crappa dal mir. Rico de Castelberg, manader da construcziun ed in dals vegnints suenter dals possessurs dal chastè, planisescha las lavurs da mantegniment.

Il chastè tutga a la fundaziun Victor von Castelberg, ina fundaziun cun la finamira da tgirar il possess da la famiglia. Cun las lavurs planisadas duai la ruina dal chastè puspè vegnir segirada per las proximas generaziuns.