Lavur curta tar la Distec

La firma Distec a Mustér introducescha lavur curta – e quai probabel a partir dal mars. Quai ha il responsabel da communicaziun tar la Distec, Marino Wagner, confermà ad RTR.

In dals emprendists da la Distec.

Legenda da maletgs: In dals emprendists da la Distec. RTR

Pertutgads da la lavur curta èn 25% dals collavuraturs, vul dir: 20 persunas. La raschun principala ch’els stoppian introducir lavur curta saja il ferm franc svizzer. Surtut las firmas en la branscha da metal laschian producir adina pli bler en l’exteriur.

Con ditg che questa mesira cuzza n'ha Marino Wagner betg pudì dir. Cun introducir lavur curta na stoppian els betg relaschar persunal.

La Distec a Mustér è sa spezialisada sin tecnica da metal.

RR novitads 10:00