Siglir tar il cuntegn
Inhalt

Surselva Launa da Mustér per ina giacca producida en Svizra

Rotauf producescha en Svizra tranter auter resti per activitads en il liber. Da nov ina giacca cun launa da Mustér.

Legende: Video Launa da Mustér per giacca producida en Svizra abspielen. Laufzeit 02:38 Minuten.
Or da Telesguard dals 20.12.2017.

La fatschenta grischuna Rotauf producescha en Svizra ses products ed emprova da realisar quels cun materials che vegnan producids en Svizra. Perquai han els elegì launa da bio che vegn da Mustér. Sco il co-fundatur da Rotauf Curdegn Bandli di, hajan els cunzunt elegì questa launa perquai ch'ins possia prest mussar si da tge nursa che la launa vegn.

Swisswool - la marca per pudair vender la launa

Rimnada vegn la launa en Surselva da Swisswool. Ina marca ch'è vegnida creada cun agid da Friedrich Baur a posta per economisar la launa svizra ch'è pli chara che tala da l'exteriur. El ha era constatà ils ultims onns che la launa vegn appreziada adina pli fitg.

Nagina fatschenta

Per ils purs n'èsi betg ina buna fatschenta da vender la launa. Sco il pur Marcus Berther di, na survegn el betg il pretsch giavischà per la launa. El quinta ch'el stoppia metter 1 tochen 2 francs per nursa sisur. Ma i giaja era per la sanadad da las nursas ed uschia saja quai supportabel. El è era cuntent che la launa vegn insumma duvrada e na sto betg vegnir dismessa.

TSG 17:40