Siglir tar il cuntegn

Header

cuntegn

Surselva Las lavurs da preperaziun en il territori da Laax

En il center da controlla sin il Crap Sogn Gion en il territori da Laax vegnan survegliads sutgeras, vents e stimà privels. RTR ha fatg visita en la «Mission Control» – il cor dal territori da skis.

En ina stanza plain visurs, tastas e buttuns che sa chatta en il bajetg da l'ustaria sin il Crap Sogn Gion vegn surveglia ton sco tut en il territori da Flem, Laax Falera. Tge sutgeras e gondlas san ins laschar ir, tge pistas èn en preparaziun, nua èn las maschinas da pista e nua vegn siglientà lavinas? Tut quai ha Ruedi Bleisch sut controlla ensemen cun ses team.

audio
Bunura: Laax – «Mission control» emprimas impressiuns
ord Actualitad dals 11.01.2019.
laschar ir. Durada: 4 minutas 16 Secundas.

Da siglientar lavinas e lavur da biro per il patrugliader Corsin Clopath

audio
Mezdi: Lavurs territori Laax – Corsin Clopath, manader dal team da salvament
ord Actualitad dals 11.01.2019.
laschar ir. Durada: 5 minutas 46 Secundas.

Corsin Clopath è manader dal team da salvament da pista en il territori da skis da Flem, Laax, Falera. El è gia la bun'ura sgulà cun il helicopter sur il territori per sajettar lavinas ed uschia segirar las pistas. Er sch'el ha blera experientscha, resta tuttina mintga giada anc ina tscherta tensiun, sch'i vala da sajettar lavinas. Cun ina buna concentraziun funcziunescha quai dentant senza problems. Suenter la lavur ordadora suonda la lavur administrativa. El sto protocollar nua ch'els han siglientà tge lavinas.

Balzer Arpagaus fa dapi 25 onns naiv

audio
Mezdi: Lavurs territori Laax – Balzer Arpagaus, ennavader
ord Actualitad dals 11.01.2019.
laschar ir. Durada: 5 minutas 31 Secundas.

Il cunresponsabel per l'ennavaziun Balzer Arpagaus, è cuntent cun la naiv sin il Crap Sogn Gion. Il mument hai var 1,2 meters naiv sin 2'200 meter sur mar. Quai sajan bunas cundiziuns per il schaner. Grazia a la naiv sa el star pli patgific ed el ha dapli liber che durant l'atun cura che ina gronda part dals 400 chanuns en il territori èn en acziun. Uss fan mo paucs chanuns naiv, quai surtut tar las pistas pli bassas e durant la notg.

video
Situaziun da segirezza en l'Arena Alva
Or da Telesguard dals 11.01.2019.
laschar ir. Durada: 2 minutas 23 Secundas.

RR actualitad 08:00

Artitgels legids il pli savens