Siglir tar il cuntegn
Inhalt

Surselva Laax: Um sparì è vegnì chattà mort

L'um (70) ch’era sparì dapi il venderdi en la regiun da Laax è vegnì chattà la sonda suentermezdi mort, scriva la polizia chantunala.

Helicopter da l'armada.
Legenda: L'armada svizra ha gidà tar la retschertga da l'um sparì. Polizia chantunala

Il venderdi suentermezdi aveva ina dunna annunzià a la polizia, che ses um saja ì a spass e betg anc turnà. Ensemen cun forzas da salvament da l’armada svizra, il CAS Flem e la Rega ha la polizia chantunala tschertgà dapi lura il giast da vacanzas.

La sonda suentermezdi saja l'um vegnì chattà en il territori Ruinas da Corvs sut Conn. In medi da la Rega haja constatà la mort da l'um. Uss investigheschan la polizia chantunala e la procura publica il cas.

RR novitads 17:00