Siglir tar il cuntegn
cuntegn

Surselva Laax preschenta bun quint per il 2017

La vischnanca da Laax ha realisà l'onn passà in cash-flow – pia in gudogn avant amortisaziuns – da passa 4,5 milliuns francs, quai tar entradas totalas da prest 17milliuns francs.

Vischnanca da Laax.
Legenda: Il quint 2017 da Laax mussa in resultat ordvart legraivel. RTR, Linus Livers

Sco i resorta dal quint annual è il retgav da manaschi vegnì duvrà per far amortisaziuns en quasi la medema autezza. Quai vul dir che a la fin resta in gudogn schuber da 73'376.75 francs.

Era il svilup dal cash flow dals davos onns è stà ordvart legraivel. Quel mussa ch'i va cuntinuadamain ensi cun la vischnanca. Cumpareglià cun l'onn 2000 fin 2017 è il cash flow da Laax sa traidublà da 1'519'633 francs sin 4'570'153 francs.

Cash flow

Quai è in impurtant indicatur per la liquiditad d'ina interpresa u vischnanca: El inditgescha era la capacitad da cumpra. Plinavant di el ora sch'ina interpresa u vischnanca po segirar lur existenza. El vegn calculà cun prender il gudogn avant taglias e dumbra silsuenter ensemen las amortisaziuns.

RR novitads 09:00