Las lingias da tensiun auta en la vischnanca da Laax duain vegnir sanadas, uschia che la radiaziun en ils quartiers vegn sminuida. La vischnanca è en contractivas cun la Repower.
Quai è in project communabel da la Repower e da la vischnanca da Laax. Sco quai che Franz Gschwend, il president da vischnanca, ha ditg vegn quest project en radunanza communala gia l'avrigl.
L’idea è da metter las lingias d'auta tensiun sut terra. Las lingias ch'èn gia sut terra e che mainan atras ils quartiers, sco quel da Grava là, nua che la scola sa chatta, duain vegnir sviadas. Exact quant che quai vegn a custar n'è anc betg cler.
Midada dal project
Il project era vegnì lantschà l'onn 2016 cun la Axpo Hydro Surselva. Quest enviern han la Axpo Hydro Surselva e la Repower fatg in barat cun tschertas lingias d'auta tensiun ed uschia è quest project uss daventà in project Repower/Vischnaunca da Laax.
RTR novitads 06:00