Siglir tar il cuntegn

Header

cuntegn

Surselva La Zai Golf SA vegn liquidada

Quai na munta dentant betg ch'i na dat betg pli products da golf Zai. La sparta da golf vegn integrada en l’interpresa principala Zai SA.

audio
Bunura: Zai Golf producescha vinavant
ord Actualitad dals 06.02.2017.
laschar ir. Durada: 2 minutas.

Tenor il directur da Zai, Benedikt Germanier, è la fundaziun da la Zai Golf SA l’onn 2010 stà ina pretensiun dals investiders. Da lez temp eran quels investiders betg interessads vid ils skis ed hajan vulì ina interpresa separada.

Uss saja l’interess e l’influenza dals investiders da l’interpresa principala Zai SA dentant pli gronda ed uschia fetschia senn da metter ensemen quellas interpresas.

Nagin problem da fusiunar

Benedikt Germanier, il directur da Zai.
Legenda: Benedikt Germanier, il directur da Zai. mad

En la lavur dal mintga di saja davent da l’entschatta betg vegnì differenzià tranter las duas interpresas. Las medemas persunas han lavurà per omaduas interpresas, uschia che l’integraziun da la Zai Golf SA en la Zai SA na saja nagin problem. Anzi, tut vegnia cun quai in zic pli simpel.

In grond avantatg da quella midada vesa Benedikt Germanier cunzunt en il marketing, che daventia uschia pli effizient. Plazzas da lavur na giajan betg a perder cun la fusiun, i vegnia dentant era betg stgaffì novas plazzas a Mustér.

Smetter cun golf nagina opziun

Chalar cun products da golf n'è per Benedikt Germanier mai stada ina opziun. La finamira cun Zai saja d’esser preschents sin la fiera durant l’entir onn. Perquai fetschia senn d’avair, sper ils skis e la vestgadira da skis, era products da golf per la stad.

RR actualitad 08:00

Artitgels legids il pli savens