Siglir tar il cuntegn
cuntegn

Surselva La vista da dus artists sin la Val Lumnezia

En il Museum Regiunal Surselva exponan dus artists actualmain lur purtrets da la Val Lumnezia. La fotografa Lucia Degonda en furma da fotografias, ed il pictur artist Damian Widmer en aquarels u maletgs en ieli.

Ils artists Damian Widmer e Lucia Degonda avant duas da lur ovras.
Legenda: Ils dus artists Damian Widmer e Lucia Degonda en il Museum Regiunal Surselva. Davos els duas ovras dals artists. RTR/gh

La glisch da la Lumnezia

Schegea ch’ils dus artists n’enconuschan betg in l’auter, han els bleras chaussas cuminaivlas. Uschia èn omadus fascinads da la glisch da la Lumnezia. Da l’autra vart paran els dus era d'avair chattà savens ils medems lieus per far lur ovras.
Uschia pon ins tranter auter contemplar 12 pèrs da maletgs fitg sumegliants.

Cuntrasts

Ils cuntrasts datti en la furma. La fotografia ch’è exacta ed il purtret ch'è reducì sin las lingias impurtantas. Mo era la fotografia nair alva ed il purtret en colur procuran per in cuntrast.