Siglir tar il cuntegn

Surselva La via en Surselva vegn pli e pli segira

La via principala en Surselva è ina da las pli frequentadas vias dal chantun. Ed ella duai vegnir pli segira. In dals tschancuns anc betg engrondids è quel da Tumein fin quasi tar il tunnel da Trin – pia fin la Val Maliens. Quai mida ussa.

Legende: Audio Mezdi: Sanaziun da la via chantunala tranter Tumein e Trin abspielen.
1:41 min, Actualitad dals 12.04.2018.

Actualmain è Mustér pli lunsch davent da Cuira. Cun ils plazzals per lung da la via vai pli ditg da vegnir da la Surselva si. Dacurt ha il chantun avert il quart plazzal grond – quest tranter Tumein e Trin. Per l'amur da dapli segirtad vegn la via schlargiada, las curvas vegnan mitigiadas ed i dat in vial per il traffic plaun – pia per ils velos, ha confermà Roger Stäubli da l'Uffizi da construcziun bassa.

Davart quantas colonnas e quant lungas ch'ellas èn na pon ins dir nagut. Il chantun vul minimar quel temp, ed ha etappà las lavurs sur ils proxims 5 onns. Quai per minimar il temp ch'in vial da la via è serrà.

L'entir project tranter Tumein e la Val Maliens curt avantTrin è budegetà cun 20 milliuns francs e duai esser a fin il 2022.

RR actualitad 11:00