Siglir tar il cuntegn

Surselva La Surselva vul la festa da tir chantunala 2018

1987 ha la Surselva organisà la festa da tir en il Grischun, ed uss vul era far quai puspè. Quai ha il president dal comité d’organisaziun, Marcus Caduff, ditg ad RTR.

2012 ha il Grischun central organisà questa festa.
Legenda: 2012 ha il Grischun central organisà questa festa. RTR

Tenor Caduff ha la Surselva bunas schanzas, sche las uniuns da tir veglian quai, perquai che nagin auter candideschia. In tal eveniment purtassia gronds avantatgs per il turissem e per l’economia en Surselva.

Festa da tir sco factur economic

Ins quinta che 8'000 tiradurs faschessan part. Quai generassia passa 10’000 pernottaziuns, manegia Marcus Caduff. Uss stoppian els tschertgar sponsurs ed era almain 1'000 gidanters.

Preventiv da 2 milliuns francs

Il preventiv è calculà cun varga 2 milliuns francs. Delegadas e delegads da l’uniun grischuna dal sport da tir decidan da la candidatura da la Surselva il cumenzament da mars. La festa da tir chantunala fiss il zercladur 2018 durant trais fins d’emna.

RR novitads 06:00