Siglir tar il cuntegn

Surselva La posta da Laax vegn administrada da Glion anora

Davent da la fin d’arvrigl survegn la posta da Laax in nov status. Ella daventa ina posta administrada da Glion anora.

Purtret da Robert Arpagaus avant l’entrada da la posta a Laax
Legenda: Il davos posttenent da Laax Robert Arpagaus ha vi il svilup da la posta dils davos 47 onns. RTR, L. Livers

Il posttenent, u sco el vegn numnà ussa l'administratur Robert Arpagaus, va en pensiun. Dapi l'onn 2002 ha el manà la posta da Laax, ed è uschia il davos manader posttenent.

Per ils da Laax na mida nagut, la posta resta averta e quai perfin in'ura pli ditg che fin ussa.

Il davos postenent Robert Arpagaus ha lavurà 47 onns tar la posta. El ha lavurà a Turitg e Cuera, ed el è stà dapi 1982 a Laax. L'emprim a Laax Murschetg e dapi l'onn 2002 a Laax tar la posta principala. La surdada da las clavs questa fin d’emna è il davos act per Robert Arpagaus. Quai act è per el il pass d’ina persuna publica tar in persuna privata.