Siglir tar il cuntegn
cuntegn

Surselva La MoorStore Swiss SA è concurs

La firma da Jörg Löser vegn liquidada. Quai scriva il Figl uffizial chantunal. Dapli infurmaziuns n'ha l’uffizi da concurs da la Surselva betg, sco Albert Chistell ha ditg ad RTR.

La stizun a Rabius
Legenda: La stizun a Rabius RTR, H. Giger

La stizun da la MoorStore Swiss SA a Rabius è serrada dapi passa in onn. Vendids vegnivan là tes, ielis cun ervas ed auters products cosmetics. Gia il 2010 aveva la MoorStore chaschunà per discussiuns. L’iniziant Jörg Löser vuleva realisar a Trun ed a Rabius fabricas per vender products cosmetics per la medischina e products cun ervas. Mo quai n'è betg reussì e la finala ha il figl uffizial da commerzi annunzià che la firma saja concurs. Quai n'è dentant betg sa verifitgà, tuttina han ils confundaturs da la firma Faustin Carigiet da Breil e ses figl bandunà il cussegl d’administraziun.

Project betg realisà

Löser ha era gì plans per bajegiar a Rabius duas chasas cun nov abitaziuns. Era quests plans n'èn betg vegnì realisads. Perquai vul la vischnanca da Sumvitg laschar metter en urden puspè il plaz.

RR novitads 12:00