Siglir tar il cuntegn
cuntegn

Surselva La lavina ha era fatg donns en l’alp sut da Schlans

Glindesdi la damaun è questa lavina rutta ora sin il Piz Cavistrau pitschen sin ca. 3'000 meters sur mar. Ella è stada eri sin 1'200 meters – curt sur la via tranter Trun e Schlans.

La lavina ha destruì duas chamonas en l’alp sut da Schlans. Quai ha il selvicultur da Trun Mattias Cadruvi ditg ad RTR. Ma ella n'haja betg fatg donns vi d'ils stabiliments da l’alp – in rempar haja protegì quels. Dentant èn las pastgiras tartagnadas e plain laina.

Ultra da quai ha questa lavina era donnegià 20 hectaras d'in guaud da protecziun. Per il mument possian ins però betg anc dir tge valita ch'ils donns hajan.

RR novitads 17:00