Ils 6 d'avrigl 1975 è stà per ils abitants dal vitget dad Acla en la Val Medel in di che ha midà tut. Ina lavina ha devastà quest di prest l’entir vitg. 11 Persunas èn vegnidas en la lavina. 1 persuna ha pudì salvar sasezza. Las autras 10 persunas han ins pudì salvar pir in di pli tard. 6 uffants ed ina persuna creschida han survivì quella catastrofa. In schabetg ch’ils pertutgads n’emblidan segiramain mai.
Ils uffants ch’èn stads avant 40 onns en la lavina èn ussa creschids ed han era sez uffants. Sche quai vegn raquintà vinavant u betg dependa fitg da la persuna pertutgada. Tar la famiglia d’Antonia Tschuor a Sursaissa è quai adina vegnì discurrì giudlonder era cun ils uffants. Tar ses frar il Conradin Venzin a Fuorns n'è quai dentant betg in tema. Uschia èsi era different co ch’ils uffants èn vegnids sisur da questa catastrofa.