Siglir tar il cuntegn

Surselva La gronda festa da naiv ad Andermatt è annullada

I fiss stà in grond eveniment da Bumaun tranter ils 1 e 2 da schaner 2016: las duas sairas cun concerts da Florian Ast, Baschi, Adrian Stern e Stefanie Heinzmann.

Il placat a Mustér.
Legenda: Il placat a Mustér. RTR, G. Hosang

Mo la festa en la naiv na po betg vegnir organisada, perquai che daners mancan. Ils organisaturs avevan quintà cun il sustegn da gronds sponsurs, sco il directur da Andermatt - Ursera turissem Flurin Riedi ha ditg ad RTR. El na sappia betg con che quest eveniment avessi custà, mo segir in pèr tschientmillis francs. 45% da las entradas avess l’organisatur stuì finanziar cun daners da sponsurs. Mo lez n'ha betg vulì communitgar da tge summa che quai sa tracta.

Evità ina rusna

Ins vess quintà che 4000 aspectaturs fissan vegnidas a guardar ils concerts. Flurin Riedi deplorescha che quest eveniment na po betg vegnì organisà. Mo el saja led che l’organisatur haja decidì uschia ed evità che quai avessi chaschunà ina gronda rusna en cassa. E la finala saja quai amez la stagiun ed ils hotels sajan occupds bain ad Andermatt.