La fin dals cumins è arrivada tut quiet

Donat Nay, il davos mastral da la Cadi, ed Anton Derungs, il davos mastral da la Lumnezia, èn surprais ch'i na dat betg dapli resuns sin la fin dals cumins.

Donat Nay e Anton Derungs

Legenda da maletgs: Donat Nay e Anton Derungs han preparau la finiziun dals cumins RTR, L. Livers

L’entschatta da la fin per ils cumins el Grischun è stada l'onn 2000, cura ch'il pievel svizzer ha decidì da restructurar las dretgiras. La refurma giudiziala dal Grischun l'onn 2009 è la finala stada il pass decisiv. Ils mastrals ch'eran fin lura ils emprims derschaders han pers questa incumbensa, e quai è stada la frida mortala per ils cumins.

La refurma territoriala dal Grischun è uschia da dir mo pli stada cosmetica. Or dals 39 cumins hai da 11 regiuns. Cun l’entschatta da l'onn 2016 vegnan ils cumins abolids, e las regiuns surpiglian las incumbensas dals cumins.