Siglir tar il cuntegn

Surselva La famiglia Hitz da Breil e las medaglias dal 1. d’avust

Alfred ed Ursulina Hitz-Seiler possedan l’entira collecziun da questas medaglias e plachettas. La veglia datescha dal 1923.

A partir da 1965 hajan els cumprà tuttas, di Alfred. Intginas veglias dals onns 30 e 40 hajan els survegnì da la sora da sia dunna Ursulina. Ellas duas sajan stadas ina giada en ina stizun a Berna e là hajan ellas vis las medaglias veglias. In pèr onns haja sia sora lura rimnà ellas – Ina custava tranter 10 ed 80 francs.

In tschert plaschair

Quai è stà l’impuls da rimnar tut las medaglias. Pli tard èsi vegnì pli simpel, perquai ch'uffants da scola vendevan ellas ubain perquai ch’ins pudeva cumprar ellas en la stizun dal vitg.

Oz custa ina plachetta tranter 5 e 6 francs. Malgrà che Alfred ed Ursulina manegian che lur collecziun n'haja betg gronda valita, concedan els dus ch’els hajan tuttina plaschair da quella.

RR actualitad 08:00