Siglir tar il cuntegn
cuntegn

Surselva L’uniun Agid per Tschernobyl Surselva dovra sezza agid

En in text che vegn derasà en las medias socialas tschertga l’uniun urgentamain insatgi che pudess purtar tant pli spert documents originals davent da la Svizra a Minsk.

Ils Uffants da Tschernobyl sin ina excursiun en Surselva
Legenda: Ils uffants da Tschernobyl sin ina excursiun en Surselva. M. Dostmann

Il meglier fissi sch’insatgi che sgola uschia ni uschia en quella direcziun pudess far quai servetsch manegia Andy Weber, il president da la uniun Agid per Tschernobyl Surselva.

Ils documents che ston vegnir transportads a Minsk en la chapitala da la Bielorussia conferman che las persunas ch’accumpognan ils uffants na stoppian betg lavurar en Svizra e ch’ils uffants sajan qua gratuitamain. Sco quai che Andy Weber ha ditg a RTR survegnan ils 22 uffants e lur 3 gidantras betg in visum per la Svizra, sche quels documents na vegnan betg surdads a l’ambassada ungaraisa che represchenta la Svizra en Bielorussia. Ils uffants da Tschernobyil che vegna en Svizra en vacanzas s’entaupan la dumengia en la cità principala a Minsk. Davent da la vai vinavant il glindesdi uschia ch’els arrivan mardi en Svizra.

Ils uffants da Tschernobyl sin ina excursiun en la Ruinaulta
Legenda: Durant il di en ils uffants mintgamai ensemen e la saira turnan els tar lur famiglia ospitanta. M. Dostmann

Gia per las 23avla giada vegn organisà questas vacanzas per ils uffants da Tschernobyl. Il dumber d’uffants che po vegnir variescha. Il pli pauc en stads 9 ed il pli bler eran 30 uffants che han pudì far vacanzas en Surselva.

Avant paucs onns hai gia ina giada dà problems pervi da visums, lezza giada avevan ils uffants la finala betg pudì vegnir en Svizra