Siglir tar il cuntegn

Header

Navigaziun

Curt avant la partenza en acziun cun Gerold Hafner.
Legenda: Curt avant la partenza en acziun cun Gerold Hafner. RTR, H. Giger
cuntegn

Surselva L’ultima cursa d’eveniment a Glion?

Ier, l'emprim da matg 2016, è la cursa d’eveniment vegnida organisada per la 10avla giada a Glion. La cursa è per viandants, joggers e nordic walkers (8.5 km / 12 km / 17, 3 km).

Mo il pli impurtant saja d'avair plaschair e da sa mover en il liber, ha ditg il president dal comité d’organisaziun dal Nordic Fitness Team Surselva Gerold Hafner ad RTR. Els hajan gì mintgamai tranter 150-220 participants.
Mo uss veglian els chalar d’organisar quest eveniment e sperian ch'insatgi auter surprendia quai.

"Ligia stop tubac"

Dapi 2007 è la Lia grischuna cunter il cancer preschenta a Glion e gida era ad organisar la cursa d’eveniment. Ca. 80 % da la svieuta va a quest'uniun. La Lia grischuna cunter il cancer ha gì in stan d’infurmaziun sur da la protecziun cunter il sulegl ed ella ha preschentà la campagna « Lingia stop tubac » a la populaziun (www.lingia-stop-tubac.ch).

(da sen.): Erika Gardi e Catherine Abbühl da la Lia svizra cunter il cancer, Aita Biert da la Lia grischuna
Legenda: (da sen.): Erika Gardi e Catherine Abbühl da la Lia svizra cunter il cancer, Aita Biert da la Lia grischuna RTR, H. Giger

Per Aita Biert da la Lia grischuna è questa campagna per rumantsch fitg impurtanta. Ed ella deplorass sche la cursa d’eveniment na vegniss betg pli organisada a Glion.
Mo forsa datti tuttina ina successiun, sche autras persunas èn prontas da surprender l’organisaziun en l’avegnir.