L’Ovra electrica Medel s'orientescha vers Tujetsch

La lingia al liber tranter Mustér e Curaglia chaschuna adina puspè problems. Surtut l’enviern è ella adina puspè interrutta pervi da donns da la naiv.

Curaglia.

Legenda da maletgs: Curaglia. RTR

Perquai ha l’Ovra electrica Medel ponderà co schliar il problem. Ina varianta fiss stà da metter la lingia sut terra, di il president Hans-Peter Bundi. Ma quai na schliass betg dal tuttafatg il problem.

La segunda e meglra varianta è da sa colliar cun Tujetsch. Duas lingias cun cabels vegnan installadas en ina galaria da l’Ovra electrica Rain anteriur. Ina lingia va da Tujetsch a Curaglia/Fadretsch, l’autra da Cavorgia a Fadretsch. L’avantatg saja che sch'ina lingia è interrutta, saja l’autra anc en funcziun, uschia Hans-Peter Bundi.

Energia alpina surpren responsabladad

Uss va il provediment d’energia da la Repower en ils mauns da l’interpresa tuatschina, l’energia alpina. Ella è responsabla per la construcziun ed il manaschi.
La radunanza communala da Medel ha acceptà il credit brut dad 1,3 milliuns francs.