Siglir tar il cuntegn

Header

Navigaziun

Il nov president da l'uniun Opera Viva Sursaissa Claudio Pfister (senester) cun il president partent Martin Candinas.
Legenda: Il nov president da l'uniun Opera Viva Sursaissa Claudio Pfister (senester) cun il president partent Martin Candinas. RTR, H. Giger
cuntegn

Surselva L'Opera Viva ha in nov president

Il nov president da l’uniun Opera Viva Sursaissa è Claudio Pfister. La radunanza generala ha elegì el sco successur dal Cusseglier naziunal Martin Candinas. Quel ha presidià l’uniun durant 6 onns.

Claudio Pfister è da Misanenga/Sursaissa, el ha 36 onns ed è stà responsabel per las finanzas tar l’Opera Viva. Cun el en suprastanza èn sco fin uss Gion Gieri Tuor, Antonia Tschuor, Susi Wegmann e Beat Sax e da nov Kevin Brunold.
A la fin da quest onn èsi previs da dar concerts festivs a Cuira, Sursaissa e Sedrun – e quai cun la Paukenmesse da Joseph Haydn.
2016 vul l’Opera Viva preschentar puspè in’opera. Tgenina n‘è betg anc enconuschent, ha il manader artistic Gion Gieri Tuor ditg .

L'artist Rudolf Mirer è vegnì undrà sco commember d'honur da l''uniun opera viva.
Legenda: L'artist Rudolf Mirer è vegnì undrà sco commember d'honur da l''uniun Opera Viva. RTR/hg