Siglir tar il cuntegn
Inhalt

Surselva L'Open Air Lumnezia è prest vendì ora

Gia in mais e mez avant ch'il festival ha lieu hai be anc 1'500 bigliets, uschia il president da l'Open Air Lumnezia.

Tribuna da l'Open Air Lumnezia.
Legenda: Grond interess vid l'Open Air Lumnezia 2018. RTR

La prevendita dals bigliets saja stada fitg positiva, di il president da l'Open Air Lumnezia Norbert Cavegn. En cifras vul quai di ch'i ha actualmain anc bun 1'500 bigliets. Els fan quint ch'ils bigliets sajan davent l'autra emna. Sche tuts bigliets fissan propi vendids ora in mais avant il festival lura fiss quai in record en l'istorgia da l'open air.

Plirs facturs da success

Sper in bun program e buna lavur declera Norbert Cavegn il success cun il format da l'Open Air Lumnezia. I na saja betg uschè in grond open air e quai paria da plaschair a la glieud.

L'Open Air Lumnezia è dals 19 fin ils 21 da fanadur. Cun passa 18'000 visitaders mintg'onn quel il pli grond festival da musica dal Grischun.

RR novitads 17:00