Siglir tar il cuntegn

Header

cuntegn

Surselva L’hotel Disentiserhof a Mustér resta serrà trais onns

Quai ha Rolf Engler dal cussegl d’administraziun da la Disentiserhof Betriebs AG confermà ad RTR.

Dacurt ad in inscunter cun ils proprietaris d’abitaziuns en il Disentiserhof hajan quels decidì da na betg sustegnair il bogn. Perquai restan lez sco era la recepziun ed il restaurant serrads.

Regenza grischuna stuess approvà plan da zonas

L’atun passà aveva la vischnanca da Mustér approvà il plan da zonas. Uss spetga Rolf Engler che la regenza grischuna approvescha era quel. Suenter datti ina concurrenza d’architectura per in hotel nov da ca. 50-60 stanzas. Il bogn vegniss duvrà sco center da terapia.

Istorgia da passa 100 onns

Il Disentiserhof exista dapi 1877. Iniziant è Augustin Condrau stà. L’hotel era renumà pervia dals bogns curativs en l’aua da radon. 1979 è el vegnì spizzà e construì da nov 1981/82. El è daventà in hotel cun 157 abitaziuns e ca. 600 letgs. 2010 fa la Disentiserhof SA concurs; e suenter cumpra la Banca Raiffeisen Cadi ils bajetgs inclusiv terren per 1 milliun francs.

Il december 2011 ha la Mettlen Immo SA da Rolf Engler surpiglià il Disentiserhof.

Artitgels legids il pli savens