Siglir tar il cuntegn

Header

video
Punt Val Mulinaun
Or da RTR dals 15.04.2016.
laschar ir. Durada: 1 minuta 15 Secundas.
cuntegn

Surselva L’art da construir l'artg da la punt Val Mulinaun

Igl è ina lavur che pretenda bler inschign : far ina construcziun che porta in’autra. Quai succeda il mument en la Val Mulinaun, nua che la punt tranter Rabius e Sumvitg vegn bajegiada.

Ils pilasters da mintga vart da la punt èn fatgs. Uss vegn construì in palancà d’atschal cotschen. Las travs vegnan transportadas cun ina crana. Ils umens da la firma Coray Construction SA lavuran en ina autezza da ca.40-50 meters, ed els en fermads vid sugas.

audio
La nova punt sur la Val Mulinaun
ord Total local dals 26.04.2016. Maletg: RTR, H. Giger
laschar ir. Durada: 2 minutas 24 Secundas.

Ina construcziun sin l'autra

En tut vegni duvrà ca. 600 tonnas material per construir il palancà. Sin quel vegn alura construì in mantè da lain per il betun respectiv per l’artg da la punt. Quai vegn fatg en etappas, l’emprim da mintga vart e suenter entamez. Sur l’artg vegn tschentà pitgas e sisura la punt. En tut vegni duvrà 7600 tonnas betun per construir la punt.

Custs da 7,5 milliuns francs

La punt Val Mulinaun è 210 meters lunga. L’entir project, la punt e la via che vegn fatga en la part tranter la punt ed ils vitgs da Rabius e Sumvitg, custa 7,5 milliuns francs. Sche tut va sco previs pon ils automobilists charrar a partir da l'october 2017 sur la punt nova.

Artitgels legids il pli savens