Siglir tar il cuntegn
cuntegn

Surselva L’Arena Alva survegn il premi solar europeic 2016

La gruppa da l'Arena Alva a Flem/Laax/Falera vegn undrada cun il premi solar europeic 2016. Sco l’agentura solara svizra scriva vegn la destinaziun da skis undrada per ses indriz da solar bain integrads e per sias maschinas da pista cun motors da diesel-electrics.

Il 2011 ha il ressort d'enviern a Laax cumenzà a realisar pliras mesiras per daventar l’emprim territori da skis dal mund che po proveder sasez cun energia. Pli tard ha la destinaziun renovà pliras staziuns da sutgeras cun integrar elements da solar, scriva l’agentura solara svizra. Quest onn era l’Arena Alva gia vegnida undrada cun il premi solar svizzer.

Era undrà vegn in project da sanaziun d'ina chasa ad Affoltern.

Il premi solar europeic vegn surdà ils 18 da novmeber a Barcelona.

RR novitads 15:00