Siglir tar il cuntegn

Surselva L'Arena Alva cun bun onn da fatschenta

Cun circa 950'000 entradas durant l'entir onn han las pendicularas da Flem, Laax e Falera surpassà il resultat da l'onn passà, quai scriva la gruppa da l'Arena Alva en ina communicaziun.

Pendiculara sin il Crap Sogn Gion
Legenda: Grazia a las bunas cundiziuns da naiv ha il territori da Flem-Laax-Falera pudì beneventar pli blers giasts ch'anc l'enviern avant. Keystone

Cun bun 104'000 entradas durant la stad han las pendicularas da Laax surpassà il resultat da l'onn avon per varga 7'000 entradas. Motiv per quai augment sajan cunzunt las purschidas da bike e la pendiculara da Grauberg che saja stada en funcziun.

Massa naiv ha carmalà massa giasts

L'enviern haja cumenzà bain cun massa naiv gia l'entschatta november. Plinavant sajan tut ils runals e las sutgeras stadas en funcziun davent da l'entschatta december enfin la fin dalla stagiun. Quai haja er carmalà ils giasts. En tut han las pendicularas da l'Arena Alva registrà durant l'enviern varga 845'000 entradas. Quai èn 8,2% dapli che l'onn avant. Las cifras d'entradas giaschan er sur la media dals davos tschintg onns. Da las cifras da record è l'enviern 2017/2018 dentant anc lunsch davent. Lura aveva il territori registrà 1'600'000 entradas.

RR novitads 20:00