Siglir tar il cuntegn

Surselva L’alp sa mida en areal da festa

Ils organisaturs han gia vendì 3'500 bigliets per l'open air da schlagher «Der Berg bebt» a Flem. Il responsabel per il festival, Fredy Broder, spetga tranter 4’000 e 5’000 visitaders. Las lavurs da preparaziun duran l’entira emna.

Quai che fa surstar è il lieu dal festival. Quel n’è betg gist sper las pendicularas, mabain sin la vart dretga da la planira. Fredy Broder ha vulì ch’il festival saja en la natira. Uschiglio avessi el era pudì organisar la festa sin in parcadi asfaltà. Ad el plascha dentant la cuntrada sin il Plaun.

Purtret Fredy Broder.
Legenda: L'organisatur Fredy Broder ha organisà fin ussa il festival sin il Flumserberg. RTR, Ursin Lechmann
Per noss’emprima giada a Flem essan nus sin fitg buna via.
Autur: Fredy Broderorganisatur

La tribuna per ils concerts è gia tant sco pronta. Uss èn ils tecnicists vid installar l’entira tecnica da glisch e tun. Enfin venderdi è tut pront per ils tests ed ils sound checks.

Uschiglio n’è anc betg da vesair bler ch'è finì. Intginas tendas pli pitschnas ed ina gronda, quella da la bar, stattan gia.

Era l'areal da VIP è en construcziun. Fin sonda saja tut pront. Tranter auter era 80 tualettas per ils visitaders.

RR actualitad 07:00