Tuttas unfrendas hajan ins pudì identifitgar senza dubis, e las baras sajan vegnidas surdadas a las famiglias, communitgescha la Procura publica federala. Fatg l'identificaziun hajan ils spezialists da l'Institut per la medischina forensica da l'universitad da Turitg e da l'organisaziun «Disaster Victim Identification Svizra».
Uss cuntinuescha la Procura publica federala las examinaziuns davart la crudada da l'aviun, ensemen cun il Post svizzer per l’inquisiziun da segirtad SUST. Sco gia infurmà durian quellas probablamain pliras emnas u mais, scriva la procura publica.
RR novitads 11:00
