Siglir tar il cuntegn

Header

Navigaziun

Sur Martin Bearth sesa vid ina maisa e raquinta istorgias.
Legenda: Sur Martin Bearth divertescha l'auditori cun ses raquints. RTR, Linus Livers
cuntegn

Surselva «Jau vuleva bittar davent tut, ussa hai dà in cudesch»

Sur Martin Bearth ha ussa 82 onns. En il decurs da sia vita ha el rimnà var 3'000 istorgias, sumeglias e raquints.

En il cudesch «Sin vias e sendas – tras dis ed onns» publitgescha Martin Bearth 465 istorgias. Las istorgias ch'el duvrava mintgamai per introducir ses predis. Quest stgazi ha el mess ensemen per betg bittar davent millis uras da lavur, sco el di.

La colonna che spetga mussa che las  dedicaziuns da Sur Martin Bearth èn tschertgadas.
Legenda: Las dedicaziuns da Sur Martin Bearth èn tschertgadas. RTR, Linus Livers

Grond sustegn e motivaziun ha Martin Bearth gì da ses collegas plevons sur Giusep Venzin e ser Martin Fontana, sco era da Gabriel Derungs. Las illustraziuns èn d'Andrina Derungs.

L'auditori a la vernissascha da quest cudesch era intgantà da la simpladad che l'autur chapescha da scriver ed uschia tschappar l'auditori.

Las sumeglias, legendas e raquints or dal cudesch èn per part istorgias schabegiadas a l'autur sez mo era raquints ch’el ha simplamain rimnà en il decurs dals onns.

Quest stgazi hai jau mess ensemen per betg bittar davent millis uras da lavur.
Autur: sur Martin Barthautur ed anteriur plevon

Il cudesch è cumparì en in'ediziun da 500 cudeschs. L’impressiun da la vernissascha a Danis ha mussà che quai pudess esser in'ediziun plitost memia pitschna. Durant sia vita ha Martin Bearth numnadamain pastorà en numerusas vischnancas sco Marmorera, Mulegns, Rueras, Sumvitg, Rueun e Danis.

RR actualitad 07:00