Jau hai vivì per l’art

Il motto da Gieri Schmed, il pictur-artist da Trun/Gravas, è - in zic damain po esser dapli. Quai vul dir - el reducescha si ‘ovra a l’essenzial.

Quai pon in era vesair vid sias 63 ovras exponidas en il Museum Sursilvan Cuort Ligia Grischa a Trun. Entant ch’il maletg cun il titel « fuaina » ha anc las colurs cotschen, nair e grisch è quai auter en la stanza alva. Là saja el sa distanzià da las colurs, ed el dettia la preferenza mo pli al termagl da glisch ed sumbriva.

Mirar en dadens da l'human

Gieri Schmed di ch’el emprovia da penetrar e mirar en il dadens da l’uman, e quel saja adina accumpagnà da glisch ed sumbriva respectiv legria e tristezza. Sumbriva è era penetrada en sia vita : L’artist è malsaun.

Lavurar cun Aluis Carigiet

Il pictur-artist è naschì 1943. A Tavau ha el fatg l’emprendissadi da pictur e decoratur. El ha era dastgà lavurar cun Aluis Carigiet ; e 1993 ha el publitgà il cudesch « Konstellationen » ensemen cun il pader Daniel Schönbächler.

Visiun

Gieri Schmed è – sper Aluis Carigiet e Matias Spescha – il pictur-artist il pli enconuschent en vischnanca. 1975 ha el gì exponì sias ovras per l’emprima giada en il Museum Sursilvan Cuort Ligia Grischa. Ed uss datti puspè in’exposiziun cul titel : Visiun. La vernissascha è sonda 04.06.2016 da las 17.00.

RR actualitad 17:00