Siglir tar il cuntegn

Header

Navigaziun

Albert Vögtli
Legenda: Albert Vögtli n'è mai s'enriclà dad avair mess a disposiziun ses hotel sco dimora per fugitivs. RTR, G. Hosang
cuntegn

Surselva «Jau hai anc oz contact cun anteriurs fugitivs»

Il hotel Alpina a Sedrun ha dà davent da 1999 per radund trais onns albiert a fugitivs. Il possessur Albert Vögtli n’è mai s’enriclà dad avair prendì questa decisiun. Anzi el sa regorda anc oz gugent da quest temp.

Cun il hotel gieva quai la fin dals onns novanta betg bain ed uschia ha Albert Vögtli dumandà il chantun sch’el veglia trair a niz l’hotel sco center transitoric per requirents d’asil. Il chantun ha gì interess ed uschia èn ils emprims requirents d’asil vegnids a Sedrun il december 1999.

Hotel Alpina
Legenda: Suenter il 2002 è l'hotel vegnì transfurmà en in champ da vacanzas. RTR, G. Hosang

Anc adina contact

Sco Albert Vögtli ha ditg, haja el fatg bunas experientschas. Quai malgrà ch’i saja stà l’entschatta dir per la famiglia. Cunzunt per ils uffants. En scola saja vegnì fatg maltschec cun la figlia uschia che la vischnanca haja stuì intervegnir. Cun il temp saja la situaziun sa calmada ed ils Tujetschins hajan schizunt mussà grond interess als dis da las portas avertas ch’èn vegnids organisads. Albert Vögtli ha anc oz contact cun anteriurs requirents d’asil e sa regorda gugent da quest temp.