Siglir tar il cuntegn
Inhalt

Surselva Integrar persunas cun restricziuns è pli simpel per ils gronds

Persunas integradas distgargian l'assicuranza ed enritgeschan la societad.

Purtret da persunas che lavuran en ina cuschina.
Legenda: Adina dapli persunas cun impediments duain vegnir integradas en plazzas da lavur. Keystone

En il chantun Grischun datti actualmain 5'000 registraziuns tar las assicuranzas socialas. Da quai èn la mesadad cas cun restricziuns psichicas. En Surselva datti 100-150 cas ad onn, da quai var 40% cas cun impediments psichics. Integrar quellas persunas en la vita da mintga di, quai è ina da las pli grondas sfidas per ils cussegliaders d'integraziun regiunals.

Purtret Felix Flepp
Legenda: Felix Flepp, cussegliader d'integraziun RTR, Linus Livers

L'Assicuranza d'invaliditad è perquai sin tura en l'entir chantun Grischun. In appel als patruns en il Grischun è da s’occupar da l'integraziun da persunas cun restricziuns. En il focus èn persunas cun restricziuns psichicas. L'ospital da Glion e la firma da bajegiar Berther SA da Mustér èn duas firmas exemplaricas ch'èn gia activas en quella integraziun.

Purtret Heinrich Berther.
Legenda: Heinrich Berther ha en sia fatschenta ina persuna responsabla per l'integraziun. RTR, Linus Livers

En tut lavuran 150 persunas tar la Berther SA, 4 persunas èn ord il program d’integraziun. Tar l'ospital da Glion èn quai 6 persunas en il program d’integraziun e quai sin 260 conlavureras e conlavurers.

Sco quai che Felix Flepp il cussegliader d’integraziun a Glion di, saja pli simpel per ina fatschenta gronda d’integrar persunas cun restricziuns psichicas. I dettia dentant era adina puspè exempels nua che firmas bler pli pitschnas fan quai cun success dapi onns.

RR actualitad 11:00