Siglir tar il cuntegn
Inhalt

Surselva Incendi ad Uors Lumnezia

Ad Uors en Lumnezia ha brischà ina chasa da duas famiglias.

Legende: Video Brischament ad Uors (Lumnezia) abspielen. Laufzeit 00:53 Minuten.
Or da Actualitad video dals 15.05.2017.

Tenor retschertgas da RadioTelevisiun Svizra Rumantscha sa tractia tar la chasa brischada d'ina chasa da vacanzas. Las 3 persunas ch'eran en la chasa eran vegnidas alarmadas d'in vischin ed han savì bandunar la chasa. Il fieu è rut ora ier saira a las 19:00.

Tenor ina communicaziun da la Polizia chantunala èn stads en acziun sur 80 pumpiers da Lumnezia e Flem. Cura ch'ils pumpiers èn arrivads sin il lieu brischava la chasa gia dal tuttafatg. Als pumpiers èsi spert reussì da dumagnar il fieu sut controlla e da proteger ina stalla ed ina chasa vischina da las flommas. Entant è il fieu stizzà ed ils pumpiers surveglian il lieu dal brischament.

Pervia dal suspect d’ina intoxicaziun da fim èn il pedel da 46 onns e duas dunnas da 37 e 22 onns vegnidas transportadas cun duas ambulanzas en l’Ospital regiunal Surselva a Glion. Il donn material na sa anc betg vegnir quantifitgà. La Polizia chantunala ha cumenzà la procedura d’inquisiziun per chattar la causa dal brischament.

RR Novitads 22:00