Siglir tar il cuntegn

Header

cuntegn

Surselva Ina chanzun per festivar 50 onns Regiun Surselva

La festa da giubileum a Glion stat sut il motto «Il tun dalla Surselva». Scolaras e scolars han creà ina chanzun da giubileum cun quest titel.

audio
Saira: Festivar 50 onns Regiun Surselva
ord Actualitad dals 29.08.2017.
laschar ir. Durada: 3 minutas 8 Secundas.

Sonda, ils 23 da settember, vegn festivà a Glion il giubileum da 50 onns Regiun Surselva. Il motto da quella festa è «Il tun da la Surselva». Cun quest motto vul la Regiun mussar als abitants da la Surselva co la regiun lavura e tge incumbensas ch’ella ha.

Co la Surselva tuna duai era vegnir mussà cun ina chanzun che è vegnida cumponida da scolaras e scolars da las differentas scolas ch'èn sut il tetg dal Center da Formaziun Surselva, ina da las partiziuns da la Regiun Surselva.

La giuventetgna en il center

La giuventetgna da la Surselva stat tenor il substitut dal manader da fatschenta da la Regiun Surselva e responsabel per la festa da giubileum, Peter Kreiliger, er en il center da las festivitads.

Uschia na datti betg be differentas preschentaziuns da musica e da teater da giuvenils durant la festa da giubileum a Glion. Planisada è era in discussiun da podium cun anteriuras scolaras e scolars dal Center da Formaziun cul tema «Tge scola maina al success?».

RR actualitad 17:10

Artitgels legids il pli savens